حآلآت البنآت في المدرسه...

..التفــتيـــش ..

&& البداية مع الطابور الصباحي&&

ليش حاطه عدسات زرق؟؟أبله هذي عيوني..أمي أوروبيه..
ليش مريولك كأنه فستان عرس؟؟أبله هذا ستا يلي..
ليش كل هذا الكحل ؟؟أبله عيوني كحليه طبيعيي..
.ليش المناكير؟؟أبله هذي حنه سودانيه مو مناكير.
ليش ماتردين تحية العلم؟؟أبله بلعومي يعورني..ومن الجهة الثانية صوتها ويا سوالفها واصل لأخرالصف.
ليش تسولفين بدل ماتستفيدي من الاذاعه؟؟مو أنا بس كل الصف..بعدين الاذاعه مكرره هي وفقرة هل تعلم السخيفة(حاشا القرآن)
ليش كل هذا المكياج؟؟أبله أمس عرس ولد عمي للفجر..وما لقيت وقت عشان أشيله.
(وطبعا في بنت رقيقه تصيح..وفي بنت دفشه بكره تجيب القبيلة كلها تشتكي )
وما ننسى حركة التنقلات المستمرة …
مثل فلانة كل يوم تنتقل طابور غير حتى يمكن طابورها ماتدله .

&&البنات اللي مبققات عيونهم على المعلمات&&

1- وين أبله **ستيو بلازم** ؟هذي مكانها جنب العمود أكيد غايبه
اوكي الحصة الأولى فاضين ياسلام .
2- وين أبله **قد اعذر من انذر**هذي عندها مناعة طبيعيه ما تمرض
تغيب هي ورفيقاتها نو بودي ..
3- وين أبله **الحجم العائلي** ؟؟أوف بعد ماهي غايبه لا وتشوف على بعد ..
شافها ملك الموت $عزرائيل$اليوم ..قولوا أمين .
4- شوفوا معلمه **عطيات** تنورتها تحفه..خياليه..أخر موضة من وين اشترتها..؟!
5- عاد معلمه** درا كولا** شاريه جوال الدمعة بدل ارنوبها القديم وتتكلم مع زوجها في الطابور لتضمن اكبر عدد من الناس شافوها
تنزل إعلان بالجريدة أحسن لها .

&& الحين قبل ماأنتهى نشوف سوالف الدلوعات &&

أمس رحت عرس جيراننا لبست فستاني الجديد الكشخه التركواز وإلا **سوارات اللي توني مشتريتهم من كليزر وصندل فرساتشي اللي اشتراه اخوي لي من لندن ..وكل الناس تناظرني كآني العروس..{معقولة}..
تدرين مع من سولفت أمس بالشات ؟مع لبناني وحاط صورته يمه يذوب...شعر أشقر وعيون خضراء .

&&ننتهي بالبنات اللي اختصاصهم الحش &&

شفت فلانة أمس فاتحه شعرها كنه خرطوم حريقه.
ولا علانه اللي كانت عايشه في ماليزيا اليوم جايه بقميص صوف ودرجة الحرارة 40درجه..
ولا مجموعة شغالات الصف #هذيلا اللي يجمعون الدفاتر ويجيبون المسجلة للأبله# الصباح لقيتهم ينظفون السبورة ...والله ينرحمون ..
وفي النهاية تجي المعلمة وتقول مافي طباشير :وين انتوا في سوق السمك ؟ويقومون البنات ويضحكون على أي شي

هع هع .
اتمني عجبكم المـوضوع

تحياااتي لكمـ:

&احلى حلا&

هههههههههههههههههههههههههههههههه

ذكرتيني بأيام الدراسه يازينها من ايام

4- شوفوا معلمه **عطيات** تنورتها تحفه..خياليه..أخر موضة من وين اشترتها..؟!
اسم عطيات دايم متداول في الألقاب خصواصاً اذا صارت الأبله دبه وطويله وشعرها قصير وينفش وتلبس نظاره ولبسها مو شيك

هههههههههههههههههههههههههههههههههه

كنا نسمي ابلة الجغرافيا الله يذكرهم بالخير
عطيات وخريطه صماء هههههههههههههههههههههههههههههه

كل البنات نفس الحركات ماراح نتطور ابد ههههههههههههههههههههههههه

يعطك العافيه موضوعك دمه خفيف وشربات وكل حاااقه

نورتي يالغلا

مااننحرم من مروورك الدائم يااعومري

تحيااتي

ههههههههههههههههههههههههههههه
الله يقطع بليسك يامزاجية عرفت اي ابلة تقصدين
امااا عاد خريــــــــطة صما ذكرى لاتنسى بموووت من الضحك
هههههههههههههههههه
تسلمين حبيبتي احلى حلا على هالذكريااات الحلووووة

يسلمو الموضوع مره حلو واتمنى ما تحرمينا من المواضيع الحلوه Smile

ههههههههههههههههههههههههههه[b]

هههههههههههههههههه ربي لايحرمنا من مرورك ياذوووق